Raga Kappi based songs -കാപ്പി രാഗം (രാഗപരിചയം )

കാപ്പി
🎼🎼🎼🎼🎼

കർണാടക സംഗീതത്തിലെ
22-മതു മോളകര്‍ത്താരാഗമായ ഖരഹരപ്രിയയുടെ ജന്യരാഗമാണ് കാപ്പി. ഹിന്ദുസ്ഥാനി സംഗീതത്തിലും കര്‍ണാടക സംഗീതത്തിലും തുല്യപ്രചാരം നേടിയിട്ടുള്ള ഒരു  രാഗമാണിത് . ഹിന്ദുസ്ഥാനി സംഗീതത്തില്‍നിന്ന്‌ ഉടലെടുത്ത ഈ രാഗം 19-ാം ശതകത്തിന്റെ ഉത്തരാര്‍ധകാലഘട്ടത്തിലാണ്‌ കര്‍ണാടകസംഗീതത്തില്‍ പ്രചരിച്ചുതുടങ്ങിയത്‌.

കര്‍ണാടകസംഗീതത്തില്‍ കര്‍ണാടകകാപ്പി, ഉപാംഗകാപ്പി, ഭാഷാംഗകാപ്പി എന്നിങ്ങനെ മൂന്നു തരത്തിലുള്ള കാപ്പിരാഗം കാണുന്നു ഹിന്ദുസ്ഥാനി സംഗീതത്തില്‍ നിന്നു വന്ന രാഗമായതിനാല്‍ ഹിന്ദുസ്ഥാനി കാപ്പി എന്നും പറയപ്പെടുന്നു.

ശൃംഗാരരസപ്രധാനവും കേള്‍ക്കാന്‍ സുഖമുള്ളതുമായ ഒരു ദേശീയരാഗമാണു് കാപ്പി.
കാപ്പി രാഗം എങ്ങനെയും രുചിക്കാം..സന്തോഷത്തിലും ദു:ഖത്തിലും ഒരുപോലെ ചേരുന്ന മഹനീയമായ സ്വരസ്ഥാനങ്ങൾ ഈ രാഗത്തിനുണ്ട്.
വിഷാദഭാവം ഉള്ളില്‍ സൂക്ഷിക്കുന്ന പ്രണയവതിയായ ഒരു രാഗം എന്ന് വേണമെങ്കിൽ ഇതിനെ വിശേഷിപ്പിക്കാം.

മലയാളത്തിന് ഒട്ടേറെ ഹിറ്റുകൾ നൽകിയ രാഗമാണിത്.

ഡിപ്രെഷൻ, ഓർമകുറവ് എന്നിവയുള്ളവർ ഈ രാഗം കേൾക്കുന്നതിലൂടെ വളരെയധികം ആശ്വാസം ലഭിക്കുമത്രേ.

കൃതികള്‍ :
 1.ഇന്ദാസൗഖ്യമനിനേ(ത്യാഗരാജസ്വാമികൾ ) 2.വഹരമാനസ(സ്വാതിതിരുനാൾ ) 3.ജഗദോദ്ധാരണ( സുന്ദരദാസർ )
4.എന്ന തവം ചെയ്തനേ യശോദ)
(പാപനാശം ശിവൻ )
5.  മായാ ഗോപാല'(കെ സി കേശവപിള്ള).

പ്രശസ്തമായ ചില സിനിമാഗാനങ്ങൾ

1.സന്യാസിനി' (രാജഹംസം)
2.മധുരം ജീവാമൃതബിന്ദു' (ചെങ്കോല്‍) 3.വാര്‍ത്തിങ്കളുറങ്ങുന്ന' (അഗ്നിസാക്ഷി), 4.കരിമിഴിക്കുരുവിയെ കണ്ടില്ല' (മീശമാധവന്‍), 5.കാതല്‍ റോജാവേ' (റോജാ-തമിഴ്  ) 6.വരമഞ്ഞള്‍' (പ്രണയവര്‍ണ്ണങ്ങള്‍) .
7.ഒരു പൂ വിരിയുന്ന സുഖ മറിഞ്ഞു (വിചാരണ )
8.ഓ പ്രിയേ പ്രിയേ (അനിയത്തി പ്രാവ് )
9.പ്രിയനേ നീ (വിസ്മയത്തുമ്പത്ത് )
10.വാവാവോ വാവേ  വാവേ വേ (എന്റെ വീട് അപ്പൂന്റേം )
11.കാണാക്കുയിലിൻ (കോളേജ്കുമാരൻ )
12.നിനവേ എൻ നിനവേ (മുല്ലവള്ളിയും തേന്മാവും )
13.കൊഞ്ചി കൊഞ്ചി (വിസ്മയ വിസ്മയതുമ്പത്ത്)
14.അഴകേ (കസ്തൂരിമാൻ )
15.സാന്ദ്രമാം സന്ധ്യതൻ (കൃഷ്ണഗുഡിയിൽ ഒരു പ്രണയകാലത്ത് )
19.എത്രയോ ജന്മമായ് (സമ്മർ ഇൻ ബത്‌ലഹേം )
20.അനുരാഗവിലോചനനായ് (നീലതാമര )
21.കിളിപെണ്ണെ നിലാവിൻ (ദോസ്ത് )
22.സ്വരകന്യകമാർ (സാന്ത്വനം )
23.ചെല്ലക്കാറ്റ് ചാഞ്ചക്കമാടും (നക്ഷത്രതാരാട്ട് )
24.കണ്ടു കണ്ടു കണ്ടില്ല (ഇഷ്ടം )
25.ഒരു മഴപക്ഷി പാടുന്നു (കുബേരൻ )
26.കുഴലൂതും പൂന്തെന്നലേ (ഭ്രമരം )
27.സുമംഗലീ നീ ഓർമ്മിക്കുമോ (വിവാഹിത )
28.സുന്ദരസ്വപ്നമേ (ഗുരുവായൂർ കേശവൻ )
29.എന്റെ ഖൽബിലെ വെണ്ണിലാവ് (ക്ലാസ്സ്‌മേറ്റ്സ് )
30.മുറ്റത്തെമുല്ലേ ചൊല്ലൂ (മായാവി )
31.ഇഷ്ടമല്ലേ ഇഷ്ടമല്ലേ (ചോക്ലേറ്റ്സ് )
32.സ്വർണമുകിലേ (ഇത് ഞങ്ങളുടെ കഥ )
33.മൗനസരോവരമാകെ (സവിധം )
34.പാലപൂവേ (ഞാൻ ഗന്ധർവ്വൻ )
35.ഇന്നലെ എന്റെ നെഞ്ചിലെ (ബാലേട്ടൻ )
36.മെഹറുബാ മെഹറുബാ (പെരുമഴക്കാലം )
37.തത്തക തത്തക (വടക്കും നാഥൻ )

സമ്പാദനം
JP കല്ലുവഴി